تفاصيل المدونة

اهمية ادارة المرافق بالنسبة الى المطور العقاري و العميل و القيود التى تأثر على المرافق

  • بواسطة : habiba mourad
  • 2021/04/14

مفيش مشروع بينجح من غير قسم " ادارة المشروعات "، المقال ده يوضح اسباب أهميته بالنسبة للعميل و المطور العقاري؟

مضمون المقال:

1-  ايه هي ادارة المرافق؟

2- الفرق بين المرافق المُقدمة من المشروع و ادارة المرافق.

3- اتجاهين لإدارة المرافق.

4- ادارة العلاقات مع العملاء وعلاقتها بإدارة المرافق.

5- اهمية ادارة المرافق بالنسبة الى المطور العقاري و العميل.

6- القيود اللي ممكن تأثر وتفرق في المرافق.

 

1- ايه هي ادارة المرافق؟

 

بعد إنشاء المشروع و التّسليم لإدارة التشغيل و الصيانة اللي هى ادارة المرافق.

ادارة المرافق مش بس موضوع هندسي، ده كمان بيضم مرافق مهمة زي الأمن و النظافة و الصيانات الدورية والإصلاحية زي مثلا للكهرباء و لو فيه مناظر طبيعية اكيد هيكون فيه صيانات لتشغيل الري.

 

2- الفرق بين المرافق المقدمة و ادارة المرافق.

 

المرافق المقدمة بتبقى من المشروع نفسه زي النوادي و الجولف و المدارس و المولات. لكن ادارة المرافق هي انك تقدر تشغل المرافق المقدمة من المشروع وتقوم بصيانتها الدورية و ده عشان حياة العميل تكون سهلة لان ده هيدي صورة كويسة للمشروع فبالتالي سعر الوحدة يقدر يزيد.




 

3- اتجاهين لإدارة المرافق.

 

في طريقتين لإدارة المرافق…

اولا: الاستعانة بمصادر خارجية، يعني تجيب شركات مختصة هي اللي تقوم بالدور ده زي شركة امن او نظافة او شركة مختصه في الري، يعني انت دورك هيكون انك تدير العقود مع الشركات دي بس.

 

ثانيا: المصادر الداخلية، الموظفين بتوعك هما اللي مسؤولين عن كل حاجة في الكمبوند و يكون فيه موظفين لكل تخصص.

 

4- ادارة العلاقات مع العملاء وعلاقتها بإدارة المرافق.

 

ادارة العلاقات مع العملاء بتتأكد ان قسم ادارة المرافق بيعمل دوره كويس كمان بيكون الوصلة مع العميل عشان تقدر تعرف احتياجاته و لو عنده اي شكاوي و اقتراحات و تلبيها له.

 

5- اهمية ادارة المرافق بالنسبة الى المطور العقاري و العميل.

 

أهميته بالنسبة للعميل:

من جانب العميل بيبقى شايف ان المرافق المتاحة تؤثر على حياته و تؤثر على الصورة و المكان اللي عايش فيه و المكان اللي أولاده بيكبروا فيه كنوعية الخدمات المتاحة.

 

أما بالنسبة للمطورين العقاريين:

أي مشروع بيثبت نجاحه على المدى الطويل لما بيكون عنده قسم ادارة المرافق قوي عشان المرافق هي اللي بتخلي العميل مبسوط و سعيد بعد السكن و ده بيحافظ على استثمار المطور. المطورين العقاريين لما لاقوا ان العملاء مهتمين بالمرافق جدا استخدموها وسيلة للدعاية و الاعلان عشان يجذبوا بيها العملاء.

 

6- القيود اللي ممكن تأثر وتفرق في المرافق.

 

اكيد فيه قيود من مشروع للتاني و ده بيأثر على شكل وجودة المرافق الموجودة  فيه زي الميزانية اللي متحددة للمرافق و حجم الوديعة الصيانية او لو حصل تضخم مثلا.








 

.
  • علامات :
  • #المرافق
  • #المرافق العامة
  • # ادارة المرافق
  • #القيود
  • #خدمة العملاء

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟