تفاصيل المدونة

مدن مصرية منسية

  • بواسطة : Rehab Farouk
  • 2021/09/03

مصر فيها أماكن و مدن كتير جميلة و ساحرة. فى منها المشهور زى دهب، إسكندرية، الغردقة، إلخ... و فى منها اللى معروفة بس مش واخدة حقها فى الحاجات اللى بتميزها

بارِك قررت تجمعلكم مجموعة من المدن دى و تعرفكوا أكتر عن إيه بيميزهم.

بورسعيد

بورسعيد ممكن تتسمى بالبلد اللى مبتنامش، لو نزلت فى أى وقت و هتلاقى البلد كلها منورة و لازم يكون فى فرح تقريباً كل يوم. بورسعيد فيها كل حاجة ممكن تفكر فيها و كمان مناسبة لكل الطبقات من ناحية الإقامة أو الإستمتاع. وسط البلد فى بورسعيد غير أى حتة تانية، المنطقة دى مشهورة بأسواقها التجارية زى، السوق الإفرنجى والحميدى والثلاثينى والتجاري، و لو نفسك تاكل سمك فى محلات كتير و أشهرهم "البرج" بتاكل سمك فيه و انت قدام البحر على طول، ده غير طبعاً تجربة ركوب المعدية ممكن تركبها على رجلك أو و انت فى عربيتك و تشوف مبنى قناة السويس بجماله و تعدى الناحية التانية لبور فؤاد، يعنى فى دقائق هتكون فى مكان تانى فى نفس جمال بورسعيد.

بور فؤاد

هى آه تبعد بالمعادية دقائق عن بورسعيد بس مختلفة عنها فى حاجات كتير. بورفؤاد بحرها صافى و الشوارع فيها آثرية و جميلة بتحس كأنك برة مصر، كان فى مسلسل فى رمضان من كام سنة إسمه "ليالى أوجينى" كان متصور كله فى بورفؤاد من جمالها الطبيعى، ولو انت من معجبين مسلسل "فرينذ" الأجنبى تقدر تروح كافيه "سنترال بارك" المشهور و تتفرج على حلقات المسلسل و انت بتشرب قهوتك، بورفؤاد كانت أول بلد تعمل فكرة الكافيه دى. 

الإسماعلية

تعالوا نسيب بورسعيد و بورفؤاد و نرجع 80 كيلو و ندخل "مدينة الإسماعلية" المعرفة بمدينة "الجمال و السحر"، بلد صغيرة و هادية إتسمت على إسم الخديوى "إسماعيل"، بلد مليانة حدائق عامة يقدر السكان يخرجوا فيها مع أولدهم و فيها كمان متاحف آثرية، زى: متحف الإسماعيلية، ومتحف ديليسبس، والنصب التذكاري للجندي المجهول، والكنيسة الكاثوليكية. لو محتاج تسافر مع عائلتك أو أصحابك و تكون فى هدوء الإسماعلية هتكون إختيارك المناسب و الإقامة فيها مش غالية كمان و مناسبة لطبقات كتير.

فايد

مدينة "فايد" موجودة فى "الإسماعلية" و بتتميز برحلات اليوم الواحد، شواطئها جميلة و بسيطة و كمان تذاكر دخولها رخيصة ب10 أو 20 جنيه مصرى طول اليوم و من أشهرها "شاطئ الزهور" فيه ألعاب مائية وألعاب ترفيهية وكافيتريات. و لو قررت تقضى أكتر من يوم واحد، هتلاقى شاليهات بأسعار بسيطة جداً بتبدأ من 200 جنيه الليلة و فى منها على البحر.

دول كام مدينة من وسط كتير مش معروف عنهم معلومات كافية، و لسة هنتكلم عن مدن جميلة أكتر.

زور موقع بارك.نت و شوف مجموعة عقارات مميزة فى محافظات كتير جوة مصر.

 

.
  • علامات :
  • مصر - مدن - مصرية - سفر - سافر - بورسعيد - فايد - إسماعلية - بور فؤاد - بارك - أماكن - دهب - إسكندرية - الغردقة

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟