تفاصيل المدونة

 مميزات السكن في 6 أكتوبر

  • بواسطة : Hesham Yossery
  • 2021/03/14

 مميزات السكن في 6 أكتوبر

 

الجدال دائما موجود بين سكان أكتوبر و سكان المناطق التانية موجود انهم مش بيحتاجوا يخرجوا بره أكتوبر غير لو مضطرين طب ليه هم رأيهم كده؟  

 

دي شوية مميزات جمعناها لك عشان تعرف السبب...

 

 

1- 6 أكتوبر هي مدينة متكاملة، يعني فيها كل الخدمات اللي ممكن تحتاجها من مستشفيات وجامعات و مولات و اماكن ترفيهية كتير و ابعد حاجة منك بتكون على بعد 15 دقيقة بس! 

 

6 أكتوبر معروفة بكثرة الاماكن اللي ممكن تخرج فيها زي مول العرب و مول سيتي سكيب و اجدد الاماكن اللي اتعملت مؤخرا كانت جرين بارك اللي بتتميز بعدد الكافيهات الكتير و قربهم من الشارع و دا بيحسسك ببساطة الخروجة لكن في نفس الوقت المكان حلو و نضيف و غير طبعا النوادي الموجودة في المدينة زي نادي 6 اكتوبر و الصيد و النادي الاهلي.

 

كل سكان 6 أكتوبر بيعتبروا مدينة الشيخ زايد جزء من 6 أكتوبر يعني بردو الاماكن هناك للخروج زي اركآن و سيتي ووك و كايرو ووك حلوة جدا وليها روح مختلفة.

 

كمان فيها جامعات كثيرة جدا زي جامعة القاهرة و MSA و MUST و جامعة 6 أكتوبر و CIC. وطبعا المستشفيات و وكل الخدمات موجودة حواليك.

 

2- التخطيط العمراني فيها مريح جداً و تم تجديده مؤخراً و سهل سير العربيات و قلل زحمة ميادين بشكل كبير جداً!

 

المدينة كلها مقسمة إلى أحياء  من الحي الأول إلى الحي الثاني عشر و دا مخلي شوارعها منظمة، و في أزحم المناطق اللي فيها تم إزالة بعض الميادين لتسهيل المرور و تقليل الزحام.

 

3- جواها دائما معتدل  و في معظم الوقت بيبقى أحسن من أماكن كتير وسط القاهرة!

 

مننكرش ان في الشتاء وقت الموجات شديدة البرودة  أكتوبر ممكن تكون اسقع من اماكن تانية لكن غير الوقت دا جوها بيبقي احسن من وسط البلد بكتير.

 

4-الطريق للوصول اليها و الخروج منها سهل و مريح!

 

ولأن أكتوبر واصله بالمحور المركزي على طول فبتقدر توصلها بسرعة و الطريق بيبقى فاضي ما عدا وقت خروج العمل طبعا. 

 

5- تعداد السكان ديماً مناسب فيها لاستمرار التطوير من المشروعات الترفيهية و السكنية و زي ما تكلمنا فوق عن الأماكن الكثيرة للخروج في اكتوبر و المشروعات السكنية اللي في تزايد مستمر و المستشفيات و الجامعات و جميع الخدمات حواليك فبالتالي سكان أكتوبر متوزعين عليها فمفيش مكان تقدر نقول عليه ان "المكان ده زحمة"! 

 و من المشروعات السكنية مثلا بيت الوطن و التوسعات الشمالية و لو عايز تعرف اكتر عن المشروعات دي تقدر تشوفها من هنا: https://barek.net/ar/Project

.
  • علامات :
  • أكتوبر
  • 6 أكتوبر
  • الشيخ زايد
  • مدن جديدة
  • شقق
  • سكن
  • عقارات
  • مدينة 6 أكتوبر
  • هايبر وان
  • مول العرب
  • مسجد الشرطة
  • المحور
  • ميدان جهينة
  • جامعة النيل
  • MSA
  • ايكيا

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟