تفاصيل المدونة

أفضل أماكن للسفر في مصر في الشتاء

  • بواسطة : Hesham Yossery
  • 2021/03/07

أفضل أماكن للسفر في مصر في الشتاء :

 

السفر في مصر مش مرتبط بوقت معين في السنه، لانها مليئه بأماكن متنوعة , مهما كان هدفنا من السفر،هانلاقي المكان المناسب في مصر، المليئه بكل احتياجاتنا سواء الراحه والاسترخاء من الضغط اليومي، أو إستكشاف الأماكن المختلفه سواء صحراوية او ساحلية أو زراعية

1/ سيوة

 

الطبيعه البسيطه :   

 

سيوة مكان ساحر بكل تفاصيله، طبيعتها صحراويه وبسيطة الأصل، فصل الشتاء هو أفضل فصول السنة لزيارة سيوة والإستمتاع بجوها المختلف .

 هي أصل ومقرلأمازيغ مصر، بتتميز بكل تفاصيلها عن أي مكان في مصر، وبالأخص في أسلوب الحباة الغير متكلف، وفي أسلوب تعامل أهلها اللي بيتوصف بالحب والسهولة .

 مظاهر الحياة في سيوة بتعتمد على الزراعة بصوره أساسيه، في كسب العيش، وبصوره كبيره جدا في الأكلات الأصليه لأمازيغ مصر في سيوة .

 أغلب الوجبات بتعتمد على عنصرين غذائين أساسين

 ( الزيتون والبلح ) ومن أشهر الأكلات (تاجلنتاتي ) أو ( عصيدة البلح ) مكونة من : الدقيق والبلح وزيت الزيتون، ومن أشهر الأكلات المختلفه هي ( أبومردم) : عبارة عن الفراخ أو اللحم المطبوخ بأسلوب الردم، وهو عباره عن ردم الفراخ او الحم على ( حطب شجر الزيتون المحروق ) ثم ردمهم تحت الرمال.

 

 

الديكورات وتصميم سيوة المختلف :

 

 أكثر شيء ساحرهو الأماكن الطبيعيه الساحرة في جيمع أرجائها، ومن أشهرها (جزيرة فطناس )

 وأجمل مافيها هو (بحيرة فطناس) ومنظر البحيرة الساحر في وقت الغروب .

 

2/ معبد وحي اّمون : اللي شهد مجيء الإسكندر الأكبر لمصر ليكتسب تودد وتعطف المصريين في ذلك الوقت .

 

3/ مدينة شالي : أسلوب تصميم بيوتها بيعتمد على الحجارة والنظام المعماري المختلف، وده الشكل العام والمنتشر لتصميم معظم البيوت في سيوة .

 

4/ عيون المياة : سيوة مليئه بعيون المياة، اللي بتبلغ أكثر من 200 عين مياه، وأشهرهم : منطقة البحيره الباردة / اللي بتتميز بدرجة حرارة المياة المنخفضة والغريب فيها انه أي شيء بيطفوا على سطحها لمجرد سقوطه فيها، وبعض عيون المياه الساخنة ومن أشهرها ( منطقة بئر واحد )

 

5/ سيوة بتتميز ببساطة بيوتها في التصميم والنظام المعماري، وتوحد نظام وشكل المباني في المدينة بأكمالها , اللي بتاخد الطابع البسيط والحجري , ومعظم اليوت بتتكون من دورين أو دور واحد , و ديكورات البيوت بتتميز بالمشغولات اليديوية اللي بتعتبر من أصول الحضارة الأمازيغيه  ومن مصادر الكسب الرئيسية لأهالي سيوة .

2/ دهب

 

الطبيعة المختلفة :

 

دهب عبارة عن مزيج بين الحياة البحرية والصحراوية، المخلوطه بالحياة البسيطة في كل أرجائها، والطابع البسيط ده بيأثر على زائرين دهب اللي بيسافروا لدهب من جميع أرجاء العالم، لخوض تجربة الحياة البسيطه الهادئه اللي بتساعد على نسيان هموم وضغوط الحياة اليومية .

 

تجربة الحياة البحرية غيرأي مكان في العالم، الأسماك والشعب المرجانيه في دهب اللي بتميز بحرها وطبيعتها، وبتسحر جميع زوار دهب، وده لأن الحياة البحرية في دهب لها طابع مختلف وساحر، لكثرة وتنوع انواع السمك والشعب المرجانية في كل مكان في دهب عن أي مكان في العالم .

 

أنسب وأفضل فصول السنة لزيارة دهب هو فصل الشتاء، لأنه الوقت اللي بيكون الجو معتدل جدا في درجة الحرارة، وبيتميز بصفاء المياة، وحالة الهدوء العام في دهب اللي بتميزها بعيدا عن موسم الصيف أو المناسبات العامةس.

 

 

الحياة الإجتماعية المختلفة في دهب :

 

1/ دهب من أشهر أماكن الغطس الحر في العالم، ومن أشهرأماكن الغطس هي منطقة ( مقبرة الغطاسين ) أو ( البلوهول ) وسميت بمقبرة الغطاسين لأن شهدت أكتر من 200 حالة وفاة، وتم تسجيل 130 حالة وفاة فقط .

 

2/ الأماكن البحرية في دهب هي الأماكن الأكثر إنتشارا وأشهرها منطقة ( ثري بولز ) وسميت لانها يتحتوي على 3 عيون من الشعب المرجانيه.

 

3/ محمية أبو جالوم : الموجوده على حدود خليج العقبة، مساحتها 5000 كم مربع، 150 كم مربع منها في نطاق المياه، يوجد بها مناطق ساحلية/ مناطق جبلية أيضا.

 

4/ أنواع السكن في دهب، متنوعة جدا من ( كامبات على البحر أو شقق  صغيره للإيجار أو معسكرات في الصحراء، ولكن الصفة العامة هي إن الحياه في دهب بتعتمد على الحد الأدني في كل أساليب الحياة

( الأكل / السكن / الحياة الإجتماعية ) .

 

5/ نظرا لطبيعه دهب الصحراوية، وصغر مساحة دهب، وسائل النقل والتحرك بسيطة جدا تقتصر في عربات خاصة أو جمال أو التحرك عن طريق مراكب في البحر.

 

 

 

 

 

 

3/ الأقصر وأسوان :

الطبيعة المختلفة : الأقصر وأسوان من أبسط الأماكن اللي بتتميز بالطبيعة الزراعية البسيطة بسبب كونها على نهر النيل، وهو ده سبب تميزها عن أي مكان في مصر، وأهلها هم الأكثر حفاظا على ثقافتهم وعلى هويتهم كمجتمع زراعي .

 

2/  فصل الشتاء من أحسن وأنسب الفصول لزيارة الأقصروأسوان وذلك لإعتدال الجو في ذلك الوقت وتأثر الجو بنهر النيل بيضيف كطابع من الهدوء النفسي وحب الطبيعة اللي بتميز الأقصر وأسوان عن أي مكان في مصر .

 

3/ أهل النوبة هما السكان الأصليين اللي مستقرين على ضفاف نهر النيل من شمال السودان وحتى جنوب مصر .

 

4/ من أغرب عادات أهل النوبة وبالأخص في مدينة غرب سهيل هي تربية التماسيح في البيوت، إيمانا منهم بأن التمساح هو حيوان بيألف العيش مع الإنسان، وحتى بعد موت التمساح بيتم تحنيطه والإحتفاظ به كديكور في بيوت أهل النوبة.

 

 

الحياة الإجتماعية في الأقصر وأسوان :

 

1/   بتتميز بمشاركة أهلها لبعض في كافة المناسبات وبالأخص في الأفراح اللي بتتصف بالأنشطه المختلفة زي : تجمع جميع أهل القرى وتوزيع الوجبات الغذائية المختلفة على جميع أهالي القرية .

 

2/ أسس الحياة الإجتماعية  في النوبة هي : المرأه والنخلة والنيل : المرأة لها دورها الأساسي في الزراعة والمشاركة في جميع مظاهر الحياة الإجتماعية .

النخلة : وبيتم إستخدام جميع أجزائها المختلفة، كالجزع وبيستخدم في صنع الأسقف.

الجريد : بيستخدم في السرايرو الكراسيوالترابيزات .

 

3/ من أغرب العادات الإجتماعيه قديما وهي إعتقاد أهل النوبة في وجود ملائكة في نهر النيل، لذلك في الاعياد والمناسبات الرسمية كانوا يلقون الحلويات في نهر النيل من أجل الملائكة .

 

4/ النوبة يوجد بيها لغتين : الكنزي والفيجيكي بجانب اللغة العربية، الأكثر إستخداما للغة النوبية هم الجيل القديم والأكبر سنا من أهل النوبة .

 

5/ تتميز بيوت أهل النوبة وبالأخص في قرية هيصة بالتصميمات المتنوعة والمختلفة اللي بيميزها هو الألوان المختلفة اللي بتضيف طابع مختلف لبيوت وتصميم أهل النوبة .

 

6/ في محافظة الأقصريعتمد أهلها في الأساس على السياحة، وذلك لوجود العديد من المتاحف في محافظة الأقصر مثل : معبد حتشبسوت، معبد إدفو ومعبد فيله

 

وفي النهاية : السفر من أهم الأنشطة اللي ممكن نعملها في حياتنا واللي هاتكون مفيدة لعقولنا وثقافتنا الإجتماعية والجغرافية باالأماكن المختلفه و على قد مابيزيد الوعي بالثقافات المختلفه للاماكن اللي بنزورها على قد مابنزيد وبنطور من أفكارنا في جوانب حياتنا المختلفة .

.
  • علامات :
  • السفر
  • العقارات
  • الاجازات
  • الأقصر
  • السياحة
  • المتاحف
  • معبد
  • النيل
  • الاراضي
  • الفنادق
  • دهب
  • اسوان

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟