تفاصيل المدونة

أهم الأساليب لتكون سمسار ناجح و 4 أخطاء يجب تجنبها!

  • بواسطة : habiba mourad
  • 2021/02/17

 

  • التواصل هو المفتاح

 

من أهم الحاجات اللي بتميز وظيفة السمسار أن عملائك متغيرين او بمعنى تاني كل يوم عميل جديد، ده معناه إنك مش بس محتاج تقدر تبدأ محادثات مع الغرباء بسرعة وسهولة  لكن كمان عليك الاستمتاع خلال محادثتك معهم.

 

  • ثقة  العميل

 

روج نفسك للعميل الأول و اكسب ثقته في رأيك و بعدين ابدأ البيعة.

 

لكسب ثقة العميل بكل بساطة حط نفسك مكانه يعني العميل لازم يشعر انك بتفكر في مصلحته مش بس همك البيعة او العمولة و ده هتقدر تعمله لما تعرف عميلك عايز ايه بالضبط يعني مثلا عايز شقة للإستثمار ولا للسكن؟ لو استثمار يكون على المدى البعيد ولا القريب؟ و تنصحه بالاحسن له ديما.

 

لكن خلي بالك! السمسار وسيط بين البايع و الشاري؛ البايع عايز يبيع بأعلى سعر و الشاري عايز يشتري بأقل سعر و انت مش عايز تخسر حد منهم فلازم تواجه كل الاعتراضات من كلا الجانبين بطريقة بسيطة يفهمها الجميع و عدم التحيز لجانب منهم. لكن الأهم عدم الوقوف متفرج لان السمسار دايما بتكون تصرفاته مراقبة خصوصا وقت المفاوضات.

 

  • التحدي وقت البيعة

 

لو عايز تكون سمسار ناجح وبما إنك بتقرأ المقال ده فإنت أكيد عندك النية!! 

 

 لازم يكون عندك روح المثابرة و التحدي؛ بيع العقارات مش سهل محتاج يكون عندك خطة بخطوات و بدائل بتتبعها في كل بيعة لأن مش كل عقار زي التاني و مش كل عميل زي التاني فخلي بالك و متقللش من ذكاء عميلك ابدا و احترم آراءه و متخليهوش يحس انك فاهم في كل حاجة و هو اللي غبي.

 

  • ذاكر شغلك!

 

امشي في طريق متعرفوش، هتوه! 

اعرف المنطقة وشوارعها عشان توصل العميل للشقة بسهوله و لازم تكون عارف تفاصيل الشقة او روحت شفتها قبل كده لإنك مدام اخذت العميل هناك يبقى فيها اللي محتاجه. دي حاجات بسيطة لكن بتكون نظرة العميل عنك و بتحسن من سمعتك بين العملاء.

 

  • التكيف مع التكنولوجيا

 

طرق التواصل بين الناس تختلف وبتتطور كل يوم، لاحظنا ظهور استخدام الناس لبيع عقاراتهم على الفيسبوك و مواقع للتسويق العقاري بشكل كبير جدا الفتره اللي فاتت فبالتالي استخدام المشترين كمان زاد على المواقع دي و هنا دورك انت كسمسار جه، لازم تستخدم كذا طريق لبيع العقارات عشان تسرع عملية البيع، دور على احسن طريق بنسبالك منهم عشان تسرع البيعة و الاحسن كمان أنك تجرب معظمهم لإن تجربتك بنفسك هتختلف أكيد عن رأي الناس.

 

بارك هو منصة إلكترونية لعرض العقارات و هناك باقات مخصوصة للسماسرة ممكن تشوفها من هنا :https://barek.net/ar/Package


 

  • العلاقات والمعارف

 

مش هتعرف تكون سمسار ناجح لو منمتش و طورت علاقاتك في دواير كتير زي المطورين العقاريين و سماسرة زملاء ليك او ممكن الغفير لكل منطقة.

 

  • فريق صغير

 

مع زيادة العملاء ومتطلباتهم في نفس الوقت هيكون صعب تكون لوحدك بتساعدهم للعثور على العقار المناسب ليهم. الاحسن هو تكوين فريق صغير مع هدف واحد وهو ارضاء العملاء و كسب ولاءهم. 

 

  • 4 أخطاء لازم تتجنبها

 

1- تأجيل المواعيد بشكل ملفت بحجة الإنشغال بسبب الشغل، السمسار بيكون جاهز في جميع الأوقات و لا يعتمد على جدول زمني ثابت.

2-الهواتف المغلقة، دا بيزعج معظم العملاء لو احتاجوا التواصل مع السمسار و عدم معرفة الوصول ليه.

3-التعامل مع عميلك كأنه غبي، لازم تحترم آراءه و احتياجاته سواء بايع او شاري.

4-تجميل المعلومات، دايما خليك صادق و امين لعملائك و مفيش عيب لو تراجعت عن بيعة لمصلحة عميلك.

.
  • علامات :
  • #سمسار ناجح
  • #كيف اكون سمسار ناجح
  • #سمسار
  • #أخطاء يقع فيها السمسار

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟