تفاصيل المدونة

أهم ٧ نصائح عند الاستثمار في العقارات و أفضل أنواع العقارات للاستثمار

  • بواسطة : habiba mourad
  • 2021/01/24


 استثمر في العقارات و متخفش تخسر فلوسك!

 

الإستثمار في العقارات يعتبر من أكثر الاستثمارات المضمونة للربح أو للحفاظ على قيمة الفلوس بس لو محسبتهاش صح هتخسرها!

عشان كده المقال ده هيخليك تاخد بالك من حاجات مهمة لازم تتحط في الإعتبار لو هتستثمر في العقارات.

 

1-تعامل مع استثمارك كأنه شركتك الصغيرة

حاول دائما تكون نظرتك للمستقبل مش بس تحت رجليك و ده هيخليك تدرس السوق اللي حواليك من حيث سعر المتر في المنطقة و سلوكيات الناس فيها و دا يخلينا نفكر في النقطة الثانية.

 

2-إختيار الموقع المناسب

لازم تسأل نفسك شوية أسئله عشان تعرف تختار صح، منها; الطلب على العقارات في المنطقة دي اد ايه؟ هل الطلب في تزايد ولا بيقل؟ طب لو بيزيد معدل الزيادة ماشي ازاي؟ المنطقة دي مستقبلها ايه؟ العقارات في المنطقة دي مرخصة ولا لا؟ طب ايه اللي يميز المنطقة دي عشان استثمر فيها؟

 

و من الأماكن اللي ينصح الاستثمار فيها التجمع الخامس والقاهرة الجديدة في العموم و أكيد العاصمة الإدارية الجديدة.



 

3-استثمر في عقار موجود 

من الأحسن الاستثمار في عقارات موجودة فعلا عشان تضمن ان ميحصلش المشاكل المعروفة عند بناء المشروع نفسه زي العيوب الانشائية و مشاكل الصرف الصحي. طب ايه احسن نوع عقاري استثمر فيه؟

 

4-أحسن نوع عقاري للإستثمار

التجاري هو احسن نوع، طب ليه؟

أي نوع عقاري استثمرت فلوسك فيه أجره. في الحالة دي هتكسب من تأجيره و لو احتجت تبيعه و كنت واخد بالنصائح دي هتكسب فيه!

فلو فكرنا تفكير بسيط سعر التأجير التجاري بيكون أعلى من السكنى بكتير  يعني هتكون كسبان كسبان. 

طب ده هياخدنا لنقطة مهمة.

 

5-قرب العقار للخدمات

شركتك الصغيرة لازم تكون الناس بتتردد عليها كتير يعني مثلا تبقى جمب جامعات، اماكن ترفيهيه، مناطق سكنية مهمة عشان تعرف تأجره بسرعة.

 

6-خليك متابع كل التغيرات بالقانون

دي اهم حاجة لازم تاخد بالك منها و تكون دايما بتعرف كل ما هو جديد و بيتغير في قوانين السوق العقاري.

 

7-خبراء في المجال العقاري

استشير خبراء في المجال عشان تستفيد بآرائهم اللي في الغالب بتكون عن تجربة سابقة فتتجنب تكرار نفس الأخطاء.

 

الاستثمار العقاري مضمون و أكثر الناس بتفضله و انت كمان ممكن تستثمر في العقارات مع الأخذ في الاعتبار النقاط المهمة  اللي اتكلمنا فيها.  

.
  • علامات :
  • استثمار عقاري
  • استثمار التجاري
  • أحسن انواع استثمار في العقارات
  • أحسن اماكن للإستثمار العقاري
  • عائد الاستثمار
  • تجارة العقارات
  • مميزات الاستثمار العقاري
  • هل الاستثمار العقاري مربح؟

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟