تفاصيل المدونة

إستعد للموجة التانية من فيروس كورونا

  • بواسطة : Rehab Farouk
  • 2021/01/11

فيروس كورونا من كام شهر دخل علينا و إحنا ماكوناش مستعدين ليه، و طبعاً حصلت حروب على السوبر ماركت و إكتئاب من قعدة البيت، حتى الشغل بقى بالبجامة من البيت، كل حاجة كنا متعودين عليها مابقتش متاحة.

بس دلوقتى و مع دخول الموجة التانية من فيروس كورونا، بارِك قرر يساعدكم بشوية نصايح عشان تستعدوا للموجة التانية...

  • إشترى إحتياجات البيت

إبدأ إكتب كل الحاجات اللى بيتك محتاجها فى ورقة، زى: طالبات من السوبر ماركت عشان الأكل اليومى و دقيق عشان الكيكة (الموجة التانية متنفعش من غيرها)، شوف إيه محتاج يتصلح فى البيت و هات معداته لو ناقصة، راجع كل الأدوية اللى عندك و إعرف إيه صلاحيته إنتهت و جيب بداله، كل ده هيفيدك بعدين.

  • زود راحتك

ممكن يكون بيتك كويس دلوقتى، بس بعد أيام من إنك تشوف كل تفصيلة فيه هتزهق، خد قرار إنك تغير كام حاجة صغيرة فى البيت، مثلاً: الشغل و المذكرة هيرجعوا من البيت تانى فغير المكتب أو هات كرسى مريح أكتر يساعدك على إنتاج أعلى، شوف إيه حاجات مش محتاجها و إتخلص منها و خلى بيتك مترتب أكتر، حاول تقسم وقتك مابين، شغلك، مدرستك و بيتك، عشان تحس يومك مشغول و متزهقش.

  • دَخل حياة جديدة لبيتك.

إستغل وقتك الفاضى فى إنك تدخل بيتك نوع جديد من الحياة، مثلاً: إختار نوع نبات و إزرعه أو إتبنى حيوان و إعتنى بيه، ده هيدخل عليك سعادة و هيكون عندك هدف تسعى له و هيساعدك خلال الموجة التانية.

  • إعمل الصح!

حاول تستخدم وقتك بطريقة أحسن المرة دي، خد قرار إنك تقلل من إستخدام التكنولوجيا فى السوشيال ميديا بس ، ممكن فى البديل إنك تتعلم لغة جديدة، أو تتعلم يوجا و تلعب رياضة تقوى جسمك و تفيدك ضد كورونا (الرياضة مش فى الجيم بس على فكرة).

الموجة هتعدى زى اللى قبلها، بس خلينا نطلع منها باللى نقدر عليه.

زوروا موقع بارِك دلوقتى و إعرفوا معلومات أكترعن العقارات و إتفرجوا على جميع أنواعها المميزة.

.
  • علامات :
  • كورونا - كوفيد19 - إستعد - الموجة التانية - 2021 - نصائح

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟