تفاصيل المدونة

إزاي تختار المطور العقاري المناسب؟

  • بواسطة : Manar Fathy
  • 2020/11/29

إزاي تختار المطور العقاري المناسب؟ 

سواء كنت وسيط عقاري أو شخص بيدور علي بيته الجديد وحابب يختار المشروع المناسب، بقي فيه مئات من المطورين و المنافسة كبيرة و العروض تكاد تكون متقاربة، لازم تعرف تختار المطور على أساس إيه و إيه هي أفضل المشاريع عشان متندمش بعد كدة

تاريخ المطور العقاري 

لازم تعمل سيرش (بحث) عن تاريخ المطور العقاري اللي هتختاره، أكيد جميع المطورين حالياً بقي ليهم صفحات على السوشيال ميديا أو جوجل، إقرأ تعليقات الناس و تجاربهم مع المطور. لو تم طرح مشاريع قبل كده، انزل بنفسك و شوف الجودة والتشطيبات، وهل تم تسليم المشاريع في موعدها ولا كان فيه تأخير. 

إيه هي المميزات؟

تعرف على المميزات اللي بيقدمها المطور مقارنة بالمنافسين، وكام هو سعر المتر، و قارن بينه و بين المنافسين، لو متوسط سعر المتر في السوق 10،000 مثلاً و المطور عارضه ب 6،000 فقط، لازم تعرف ده هيكون على حساب ايه؟ ممكن في المقابل تكون الجودة أقل أو معايير المعيشة أقل.

خطة الدفع و نظام الغرامات

اقرأ خطة الدفع بوضوح ومواعيد الدفعات الشهرية والنصف سنوية إن كان فيه، و قارن بين أكثر من مطور لإختيار أفضل خطة دفع بالنسبة لوضعك و إمكانياتك.. ولازم تسأل عن نظام الغرامات في حالة التأخر عن دفع قسط من الأقساط و هل الغرامة هتكون ثابتة إلي معاد  القسط التالي ولا بتزيد. وبعد كام شهر من التأخير عن الدفع يتم سحب الوحدة. 

اسأل عن شركة المقاولات

قبل ما تتعامل مع المطور اسأل مين هي شركة المقاولات اللي شغال معاها، و تقدر من هنا تعرف هل هي شركة مقاولات كبيرة و لا أول مرة تسمع عنها، وتقدر تتحرى عن شركة المقاولات.

حق التغيير/التعديل في الوحدة بعد الإستلام

هل يحق لك التعديل في تقسيمة الوحدة بعد الاستلام؟ عادةً بيكون مسموح بالتعديل لأن العقار أصبح ملكك الإن. ومن المميزات المهمة عند أي مطور لو بيسمحلك بالتعديل على الرسومات قبل التشطيب والتنفيذ.

شروط الدخول و الخروج في العقد 

أولاً يحق ليك الحصول على نسخة من العقد قبل إجراء أي اتفاق للمراجعة. ثانياً، لازم تاخد بالك من شروط الدخول و الخروج من العقد، مثلاً لو عايز تنسحب من العقد، مسموح البيع أو لإ؟ ولو مسموح البيع لطرف آخر هيكون بعد كام شهر من الإمضاء على العقد وشراء الوحدة؟ 

 

في النهاية من حقك التحقق من كل التفاصيل و السؤال عنها قبل إتخاذ أي قرار. بننصح دايماً بالنزول علي أرض الواقع و المقارنة بنفسك :) 

تقدروا تسيبولنا جميع أسئلتكم في التعليقات وايه هي المواضيع اللي حابين تقرأوا عنها الفترة اللي جاية؟

تقدر تشوف جميع المطورين من على موقع بارك من هنا: https://barek.net/ar/AllDevelopers

المصدر قناة أشرف علام (المخبر العقاري): shorturl.at/novJ5


 

.
  • علامات :
  • افضل المشاريع
  • المطور العقاري
  • شركة المطور العقاري
  • المطور العقاري
  • إختار العقار المناسب
  • المستثمر العقاري
  • العقاري

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟