تفاصيل المدونة

أهم الحاجات اللي لازم تاخد بالك منها قبل ما تشتري بيتك الجديد !

  • بواسطة : Manar Fathy
  • 2020/09/17

 

انك تاخد قرار بخصوص بيت جديد يعتبر من أكثر القرارات المصيرية اللي هتاخدها في حياتك، عشان تعرف تاخد قرارك بشكل أسهل جمعنا لك شوية معلومات كده ها يفيدوك .

 لو عايز تطمن من السعر قبل شراء عقارك

خليك فى الامان .. و استشير خبير :) 

قبل ما تشتري عقارك الجديد لازم تستشير خبير في مجال العقارات، حتي لو السعر مناسب بالنسبالك، سعر العقار بيعتمد على عوامل كتير، زي الإطلالة مثلا، في جراج لعربيتك ولا لأ، الصيانة وغيره كتير. يمكن متخدش بالك من كل التفاصيل ديه أثناء الشراء ، بس الحاجات ديه بتفرق جدا في راحتك على المدى البعيد. استشاره خبير هتساعدك تاخد بالك من كل التفاصيل، خصوصا لو أول مرة.

خد بالك بخطوات بسيطه عشان حقك ميضعش .

للأسف في حالات كتير جدا بيتنصب عليها وحقها وشقي العمر زي ما بنقول بيروح عليها. لو بتشتري من شخص حتي لو مش أول مرة..لازم  الإستعانة  بمحام للتأمين من النصب و للتأكد من سند الملكية وصفة البائع، ولازم  تراجع الأوراق في الشهر العقاري أو السجل العيني و تتأكد، هل المبني ده ليه هيكل قانوني ولا لأ؟ .. حاجه كمان، ارجع لإدارة الحى أو مجلس المدينة، واتأكد ان المبنى مرخص، و اتأكد من الإسم الصادر بإسمة ترخيص بناء العقار وان مصرح له ببناء عدد الطوابق الموجودة، وإن الشقة المباعة وارده ضمن الترخيص بالبناء حتى لا يتم ازالتها فيما بعد. و من أبسط الحاجات اللي تقدر تعملها، سؤال الجيران أو أهل المنطقة عن مالك العقار/الشقة وعن سمعته و هل في أي مشاكل تخص العقار أم لا. 

تأكد من عدم وجود أي فواتير على العقار، وان جميع الديون مسددة بالكامل. لو فيه بند في العقد مبهم، أو لو مش عارف تتأكد من صحة الأوراق استشير محامي، منعا لأي مشاكل مستقبلا.  

ازاي أتاكد ان انا هختار صح؟

اختيار بيتك الجديد ممكن يكون من اصعب الاختيارات الي هتمر بيها لحد ماتلاقي البيت اللي انت عايزة..

خصوصية، اطلالة، معزول عن المدينة، في المدينة، المواصلات، الضوضاء، المستوى الاجتماعي للمدينة...

كل بني آدم ليه أولوياته.. عشان كده لازم تنظم اولوياتك و تتحد انت نفسك بيتك المستقبلي اللي هيكون مصدر راحتك واللي هتعيش فيه ذكرياتك الجديدة هتكون عايز فيه ايه متقدرش تستغني عنه.. تحديد أولوياتك هيقلل مجهود البحث، لأنك ببساطة قللت العروض اللي هتختار منها.

هتقدر تدفع قد ايه؟

أحد أهم العوامل اللي بتحدد علي أساسها المساحة و الموقع .. وتعتبر من أكبر المشاكل الي بتقابل الشباب بسبب المقدم و الأقساط و غيره.. فا لازم تاخد بالك من كل الأعباء المادية الي انت مقبل عليها وتكون مأمن نفسك و يكون عندك خطة على المدى البعيد عن كيفية التسديد.. ومعلومة بسيطة اتفق عليها خبراء العقارات بنسبة للقسط، ميكونش زيادة عن 30% من صافي مرتبك . يعني لو هتدفع قسط شهري ، خليك متأكد انه ميكونش زيادة عن 30% من دخلك الشهري.. 

أهم نصائح الخبراء عن شكل و تقسيمه المنزل الداخلية:

خلينا نفترض أننا حددنا الأولويات و المساحة اللى محتاجينها و قررنا الميزانية الى هنمشي عليها، أكيد في قدمنا دلوقتي كذا أختيار.. من الحاجات الي بتفرق جدا هي تقسيمة الشقة، مش لازم المساحة تكون كبيرة، حتى لو المساحة صغيرة، التقسيمة الداخلية الصحيحة بي تعلي من قيمة العقار. مثلا لو الشقه مش بيوصلها اضائة كافية، أو مساحة الغرف صغيرة نسبيا بالنسبة لمساحة الشقة، كل ده بيفرق في سعر العقار. اذا كان تصميم عقاراك مريح، و فيه مصدر للتهوية والإضاءة الشمسية، ده بيأثر ايجابيا على الجانب النفسي، و يبعث طاقة إيجابية في المكان ، بالتالي بتحس بالراحة و السلام النفسي بتفاصيل صغيرة جدا..

 

 enlightened في حاجه مهمه جدا لازم تاخد بالك منها ممكن تساعدك و توفر عليك وقت و مجهود في التدوير. ممكن تبدأ تعمل سيرش أون لاين و تدور على العروض المتاحة. زائد أن الصور بتكون معروضة مع العقار، وفي صور تكون معروضه بطريقه احترافيه بخاصية ال360، من خلالها ممكن تشوف كل جزء في العقار و تسهل عليك أخذ القرار من البيت.

.
  • علامات :
  • الحتياطات عند شراء شقة
  • نصائح عند شراء عقار
  • ازاي اشتري شقة
  • شراء عقار جديد
  • نصائح عند الشراء
  • نصائح عقارية
  • مدونة بارك

بارك تستخدم ملفات تعريف الارتباط (Cookies) وادوات تحسين تجربة الاستخدام باستخدامك للموقع فأنت توافق على ذلك.

موافق
لديك أسئلة؟

مرحبا 👋

كيف يمكنني مساعدتك ؟