" فرش المنازل و إستغلال المساحات و ترندات الأثاث في 2020 - Real Estate Technologies

تفاصيل المدونة

فرش المنازل و إستغلال المساحات و ترندات الأثاث في 2020

  • بواسطة : Manar Fathy
  • 2020/09/07

بتفرش بيتك لأول مرة و محتار بين أكثر من 100 إختيار ومش عارف تحدد احتياجاتك أو تبدأ بآية أو إزاي؟ إختيار الأثاث المناسب ليك و إنك تحدد احتياجات بيتك و تستغله صح مش حاجة سهلة. عشان كده استضفنا المهندس/عامر رزق والمهندس/ كريم كرم مؤسسين شركة DE.CI Furniture ،عشان يجاوبونا على جميع أسئلتنا بالنسبة للأثاث و قطع الأثاث في مصر و ترندات الأخيرة اللي ظهرت في 2020 وغيرت نظرتنا لمفهوم الأثاث، في اللقاء الأخير معانا على صفحة بارك، تقدروا تتفرجوا علي اللقاء كامل في أخر المقال.

 

إيه هي ترندات الفرش و الأثاث اللي ظهرت في 2020؟   

  •  توفير المساحة -Space saving-:

علي حسب كلام م/كريم، الترند او التوجه العالمي اللي شفناه بيتجه للمساحات الصغيرة في السكن عشان نوفر مساحات-Space Saving-، كل المشاريع مساحة الوحدات فيها بقت صغيرة و من هنا ظهر التحدي! ازاي نستغل المساحات المحدودة، و نحافظ على المساحة بالأثاث ولأنسب استخدام. كانت النتيجة أن مفهومنا عن الأثاث الذي لا يمكن الاستغناء عنه أو ال-Complementary Furniture- إتغير، وبدأ بالفعل التضحية ببعض منتجات الأثاث. 

و في شركة DE.CI دايماً بينصحوا بالتخلي عن العادات و التقاليد اللي توارثها الأجيال من فرش المنزل زيادة عن الحاجة، مش لازم في كل حته في البيت يكون فيه أثاث أو ديكور. بالعكس، كل ما كان الأثاث أقل في الشقق اللي المساحات فيها صغيرة، كل ما أضفي إحساس بالوسع و هكذا. و إنتشر الأثاث اللي ليه أكثر من إستخدام -Multi Functioning Furniture- زي الكنبة اللي ينفع تبقي سرير و أو ترابيزة بتتقفل عشان تدي مساحة لشخصين فقط وغيرهم كتير.  

  • تغير في أسس التصميم:

على حسب كلام المهندس/عامر إن السنتين اللي فاتوا حصل تغير جذري في طريقة التفكير و أٌسس المجال نفسه مش بس في التصميم. وده الاتجاه العالمي مش في مصر بس، عملية التنقل بقة سهله جداً، بالتالي طريقة تركيب و شحن و فك المنتجات في الأثاث أصبحت سهلة ومبدعة و عملية أكثر. إتجاه الشراء أون لاين كمان بيحتاج إن المنتج يكون سهل نقله ويكون في طريقة تعامل معينة تحافظ علي المنتج وكل حاجة فيه بحيث، إنه يعيش مع الشخص مدى الحياة. 

 

  • تكنولوجيا الأثاث (المنتج):

في خلال ال60 سنة اللي فاتوا، المنتج لم يشهد طفرة في تكنولوجيا المنتجات زي مختلف الصناعات، بحيث أن التكنولوجيا تتوظف عشان تتأقلم مع إحتياجات العميل. علي حسب المهندس/عامر، ظهر مؤخراً في السنة الماضية ترند دمج بين المنتجات و تكنولوجيا، زي المكاتب مثلاً، ظهرت مكاتب بتتحرك، بتعلي و توطي على حسب احتياجك، ممكن تشتغل وانت واقف أو قاعد أو زي أن الكنبة بيكون أجزائها بتتحرك عشان تتأقلم مع مقاسات المستخدم وطوله و يقدر يتحكم في العمق.

 

إيه هي قطع الأثاث التي لا يمكن الاستغناء عنها عشان البيت يكون مريح؟

الفترة الأخيرة أثناء الحجر الصحي، خلتنا نتعرف أكثر على بيوتنا و إحتياجتنا، خلتنا نكتشف النواقص اللي كنا محتاجينها و يمكن خلقت إحتياجات مختلفة وأثبتت إن في قطع لا يمكن الإستغناء عنها زي المكتب أو كرسي المريح أو إضاءه مناسبة،  و الكل كمان سعي للتجديد. و المهندس/كريم أضاف لنا، إن تعريف الأريحية لكل شخص صعب يتحدد و بيختلف من شخص لشخص، وبيكون التحدي لصناع الأثاث أنهم يصمموا قطع تتماشى مع احتياجات أكثر من شخص وتتأقلم مع أكثر من شخص. عشان كده بينصح الناس إنهم يجربوا الأثاث قبل شراءه عشان يقدروا يحددوا إيه المريح بالنسبالهم زي العمق أو طول الأثاث.

 

بنسبة لفرش البيت لأول مرة سواء للمخطوبين أو  لأ، نبدأ منين؟ 

الأزمة في فرش البيت لأول مرة إن الواحد بيكون مشتت من كثرة المعروض بين 100 براند أو ماركة، و مش عارف إيه الديكور اللي هايبدأ بيه. و بيحصل ساعات إن بعد ما بيجيبوا قطع مختلفة، عند الفرش يكتشفوا إن مفيش تناسق، أو إن في حاجة أساسية ناقصة! سألنا المهندس/عامر و ديه الخطوات فرش المنزل لو هاتفرشه بنفسك:

  1. حدد اتجاه التصميم من علي الأنترنت مثلاً، في تطبيقات زي Pinterest يمكن الإستعانة بها ممكن تختار 3 تصميمات مبدائياً وبعدين تقدر تحدد الاتجاه النهائي لشكل البيت.
  2. البدأ بالأساسيات زي الأسقف، الإنارة، الألوان و الأبواب.
  3. عند الفرش، البدأ بالأساسيات أو الحاجات الكبيرة و المهمة من الأثاث و اللي مش هتعرف تعيش من غيرها، زي الكنبة، وحدة التلفزيون، السفرة. و بعدين الإضافات زي السجاد، الترابيزات الجانبية، الإكسيسوارات و الحاجات اللي هاتتعلق علي الحيطان اللي مش هتكون سهلة التخيل في الفراغ من الأول.  

 

ولو فيه مصمم معاكوا بيساعد لازم برضه أول خطوة تحديد الإتجاه ووصف اللي محتاجين نوصله عشان شكل الفراغ الأخير يكون بيعكس شخصيتكوا. بعد تحديد الإتجاه المهندس/عامر ينصح بترك حرية و مساحة للمصمم للتنفيذ وخلق تجانس في التصميم و الديكور :)

 شاركونا أرائكم و تعليقاتكم عن تصميم و فرش المنازل و إيه هي التحديات اللي بتقابلكم عند الفرش :)  

اللقاء كامل مع المهندس/كريم كرم و المهندس/عامر رزق:  https://www.facebook.com/Barekdotnet/videos/2774807226136306/  

 

.
  • علامات :
  • فرش
  • العفش
  • أثاث البيت
  • استغلال المساحات في الشقق الصغيرة
  • ديكورات شقق صغيرة 2020
  • أفكار للشقق الصغيرة جداً
  • أفكار لإستغلال المساحات الضيقة