" أرخص 7 أنواع من الإيجارات أثناء السفر - Real Estate Technologies

تفاصيل المدونة

أرخص 7 أنواع من الإيجارات أثناء السفر

  • بواسطة : Manar Fathy
  • 2020/08/27

 

مع بدء عودة العالم ببطء إلى الحياة مرة ثانية بعد جائحة الكورونا، ورجوع السفر الداخلي و الطيران في بعض الدول، ممكن تبقي محتاج بديل أرخص من الفنادق للإقامة، هتقدر توفر الميزانية و تستفيد بيها بزيارة مناطق أكثر مثلاً أو للسفر لأكثر من مكان! :)

1)الهوستل (النزل)

الهوستل يعتبر أرخص و أحسن إختيار بعد الفنادق، و منتشر جداً بالخارج. في الهوستل ممكن تشارك الغرفة مع أشخاص آخرين و بيكون ليك سريرك الخاص، وبيكون متاح في بعض النزلاء غرف خاصة للتأجير و بيكونوا أرخص من الفنادق برضه. مش محتاج تقلق من مشاركة الغرف مع أشخاص أخرين، دائماً بتكون آمنة و بيكون ليك خزانة خاصة فيها متعلقاتك الشخصية. بس إحجز دايماً من مكان موثوق فيه و إقرأ أراء وتجارب الناس عن المكان، وممكن تتأكد إنه مسجل على موقع Hostelling international لضمان الحد الأدنى من معايير السلامة والنظافة.

2) السكن الجامعي للطلبة

لو مسافر أثناء الأجازة الصيفية، معظم الطلبة بيكونوا مسافرين عشان يقضوا الإجازة مع عائلتهم. بعض الجامعات بتستغل الفرصة و بتأجر السكن الطلابي أثناء غياب الطلاب، و أسعار غرف السكن الطلابي بتكون رخيصة. و الغرف بتكون بسيطة جداً و توقع مشاركه المطبخ مع عدد تاني من مستأجرين الغرف و في بعض الجامعات الحمام بيكون مشترك برضه. و لكن، بننصح بإستخدام النوع ده من الإقامة في الصيف، زي ما قولنا معظم الطلاب بيكونوا أجازة و نوع الإقامة ده مش معروف عند المسافرين، فا ممكن يحالفك الحظ والغرف الأخرى في الدور تكون فاضية من الأساس :). تقدر تلاقي سكن الجامعات من موقع University rooms أو Uniplaces.com. و بننصح إنك تبحث عن جامعات محلية في المكان اللي هاتزوره و تتواصل معاهم للتأكد لو متاح تأجير غرفة في السكن الطلابي أو لأ.

3) إقامات منزلية

الإقامات المنزلية بتكون عبارة عن عائلة عايزة تزود الدخل الشهري فا بيعرضوا غرفة داخل البيت للإيجار. التجربة ديه بننصح بها لو مدة السفر طويلة، في الأغلب الإيجار اليومي بيكون رخيص جداً! 

كمان بتكون فرصة هايلة عشان تتعرف على ثقافة الدولة أو المكان اللي بتزوره و تتعرف علي أكلاتهم المحلية و غيره. بعض الناس كانت التجربة بنسبالهم أكثر من رائعة و كونوا صدقات مع العائلة المستضيفة و البعض وصفهم عند رحيلهم بعائلتة ثانية! :) تقدر تزور المواقع ديه متاح عليها غرف للإقامات منزلية Couchsurfing.com ، homestay.com

4)غرف لإقامة سريعة

شبه الإقامة المنزلية و لكن متاح إختيارات وأسعار أكثر و ممكن تأجر كابينة أو أستوديو وبيكون إختيار رخيص لإقامة قصيرة في المكان اللي هاتزوره. زور Airbnb, Housinganywhere.com, spareroom.com.

5)عقارات للإيجار

لو مسافرين كا عائلة أو جروب أصدقاء تأجير شقة أو فيلا أو شالية أو كابينة كبيرة هيكون أرخص من غرف الاوتيل. مشاركة الإيجار اليومي مع جميع الأفراد هيكون موفر للجميع. و هيكون عملي لو إحتاجتوا مطبخ لتوفير مصاريف ال3 وجبات بالخارج. تقدروا تلاقوا عقارات للإيجار في مصر علي بارك من هنا.زوروا مواقعTripadvisor ،Vrbo.com.

6)تبادل المنازل

تبادل المنازل عبارة عن تبادل منزلك مع مسافر آخر و البقاء في منزلة في الدولة التي تخطط لزيارتها، بدون دفع أي تكاليف لدى الطرفين. تبادل المنازل ليس للجميع، لكن إقامة مجانية في دولة أخرى تستحق التفكير عند البعض! ننصح بهذا النوع من الإقامة عند طول مدة السفر، لأشهر عديدة مثلاً. يوجد منظمات عالمية لتنظيم هذا النوع من الإقامات و التأمين عليها، يمكنك العثور على دليل كامل حول استبدال المنازل من هنا smartertravel.com .

7)الكامب

لو بتدور على مغامرة استثنائية و رحلة استرخاء في الطبيعة التخييم هيكون ليك :) تقدر تشوف أفضل مواقع التخييم في مصر من على موقع Tripadvisor من هنا. أثناء التخييم هتقدر تفصل من كل وسائل التواصل الإجتماعي و تستمتع بالطبيعة و تنام تحت النجوم في الطبيعة. لو هتخيم بشكل منفرد لازم تتأكد إن المكان آمن و مصرح بالتخييم فيه. تقدر تقرأ عن كل مستلزمات التخييم من هنا.

 

 في النهاية ننصح دايماً بالبحث عن المكان اللي هيتم زيارتة كويس جداً و عن أفضل طرق الإقامة فيه و قراءة تجربة الناس عنها، وتختار ساعتها الأفضل/والأوفر بالنسبالك :)

للمزيد من المعلومات عن طرق اقامة رخيصة من هنا: https://www.smartertravel.com/ditch-hotel-10-cheaper-ways-stay/

أفضل مواقع التأجير من هنا: https://www.smartertravel.com/best-vacation-rental-sites-short-term-rental/

 

.
  • علامات :
  • أسهل إقامة
  • أرخص إقامة دائمة
  • تأجير شهري
  • سفر
  • أرخص من الفنادق
  • أرخص إقامة