" دليلك لأفضل الشركات في الخدمات المنزلية - Real Estate Technologies

تفاصيل المدونة

دليلك لأفضل الشركات في الخدمات المنزلية

  • بواسطة : Manar Fathy
  • 2020/07/22

 شركة بارك للتكنولوجيا العقارية بتدعم جميع الحلول اللي بتوفر للمستخدم و المستهلك خدمة أفضل من خلال توظيف التكنولوجيا لتفادي المشاكل و ضمان للمستهلك أفضل تجربة. وفي النهاية مين فينا ما أخدش خدمة من فني سواء تصليح أو صيانة و اكتشف بعدها بكام يوم إن العطل لسه زي ماهو! هنعرض لكم في الموضوع الآتي أبرز  الشركات لخدمة منزلك سواء في التنظيف و التشطيب أو التصليح و الصيانة.

  • تاسكتي

صنفت شركة تاسكتي حسب مجلة فوربس العالمية " من أفضل 20 شركة ناشئة فى مصر لعام 2016". تاسكتي تجمع أكثر من 150 فني و شركة و بتقدم  أكثر من 20 خدمة مختلفة من خدمات المنازل أهمها  النظافة المنزلية​، غسيل المفروشات​، ​ مكافحة حشرات، سباكة​، نجارة ، ​كهرباء​ ، تكييف ، الوميتال واكتر من 14 خدمة فى الصيانة وخدمات منزلك. "بالتعامل مع تاسكتي ​ست​ضمن عمال​ة​ مضمونه​, جوده​ ممتازه​ ,سعر منافس". و من مميزات التعامل مع تاسكتي إمكانية الدفع بعد إستلام الخدمة و إذا لم يرض العميل عن الخدمة، ترجع الشركة له النقود أو تعيد تنفيذ الخدمة.

  • أسطى

خدمات أسطى في الإسكندرية فقط حالياً  و يعد أول تطبيق متخصص لصيانة الاجهزة المنزلية (غسالات ، ثلاجات ، بوتجازات، سخانات، غسالات اطباق، تكييف، مايكروويف). أسطى يضمن للمستهلك ضمان 6 أشهر بعد الخدمة على الصيانة ده غير إن الأسعار مش هتكون موحدة، هيتم التسعير على حسب المشكلة. تقدروا تشوفوا جميع خدمات الصيانة و أسعارها من هنا.

  • فيكساوي 

فيكساوي تعد أكبر شبكة مُصلحي في مصر. يتم تعيين المصلحين بعد تقيمهم و يتم التواصل مع جميع العملاء بعد تقديم الخدمة لضمان جودة الخدمة و الحرص على إرضاء جميع عملاء فيكساوي. ويستطيع عملاء فيكساوي  طلب سعر مبدئي قبل طلب مُصلح و يوجد ضمان لغاية 6 شهور، خلالها يقدر العميل التواصل مع خدمة العملاء وفريق ما بعد البيع اللي ديمًا موجودين لإستقبال أي شكاوى والرد على كل استفساراتك في كل وقت.

  • ع المحارة

            ع المحارة مكتب متخصص في تشطيبات وتصميمات الوحدات السكنية و التجارية بجانب عمل التصميمات لكل أنواع الفراغات والمباني تجاري/ سكني/اداري وغيره، و عمل تنفيذ وتشطيب لكافة الأعمال سواء اللي بدأت بعملية تصميم او اللي مش محتاجة تصميم. رؤية ع المحارة هي تغير نظرة المستهلك في مجال العمارة عشان المستهلك يكون واعي بالفرق بين التنفيذ الأعمى، ويبدأ يدخل في دائرة الإنتاج الواعي المراعي لكل عناصر الجمال وقيم الحياة الإنسانية الصحية وكمان حقوق البيئة. تحرص شركة  ع المحارة على  تنفيذ و تشطيب أماكن مريحة وتبعث بالسعادة والجمال للعميل.

  • جيني 

شركة جيني متخصصة في أعمال التنظيف المنزلي تقدر تطلب نوع التنظيف اللي محتاجه سواء التنظيف المعتاد أو العميق أو تنظيف بعد النقل. السعر بيكون موحد للتنظيف المعتاد و الخدمات الأخرى بيكون السعر بالمتر. تقدر تشوف جميع خدماتهم و الأسعار من هنا.

  • ستوديو جو- فى

 Go-V عبارة عن استوديو للواقع الافتراضي ومحتوى غامرة يقدم جولات الواقع الافتراضي، يوجد أيضاً تصوير بزاوية 360 درجة وإنتاج الفيديو بزاوية 360 درجة. تقدر تصور بيتك/عقارك بأحدث الطرق لو حابب تعرضه للبيع و بالأخص عند السفر و صعوبة التواجد للمقابلة، جولة إفتراضية داخل العقار هتكون بديل للمقابلة. تقدروا تشوفوا جميع خدماتهم و الأسعار من هنا.

.
  • علامات :
  • شركة تصليح، صيانة المنزل، شركة تنظيف، صيانة أجهزة