تفاصيل المدونة

المنزل الذكي وترندات تكنولوجيا المنزل الذكي في 2020

  • بواسطة : Manar Fathy
  • 2020/05/05

 نتيجة أحدث الإحصائيات عن وقت استخدام الموبايل بنسبة للسن المتوسط، كانت بين 3 ساعات و 5.5 ساعة يومياً..

حبينا تكون الإحصائية دي مقدمة عشان تساعدنا نفهم إيه هي الـ Smart Homes أو المنازل الذكية. المنزل الذكي بإختصار هو تصميم بيتك بنفسك بحيث تقدر تتحكم فكل الأجهزة و الأنظمة من على تليفونك الشخصي أو أي جهاز متوصل بالإنترنت! سواء من جوه البيت أو من بره. تقدر تتحكم و تدي أوامر للأجهزة الذكية بضغطة من تليفونك، زي أجهزة الآمان ، ودرجة الحرارة ، والإضاءة ، والمسرح المنزلي (Projector).

الغرض من كل التطورات اللي بنعيشها هي التكيف مع حاجاتك الشخصية عشان تكون  أكثر سرعة و سهولة، سواء للجيل اللي بيقضي معظم وقته على الأجهزة الإلكترونية، أو كبار السن اللي هتكون المنازل الذكية عون كبيراً ليهم، لسهولة إستخدام و تطبيق ال Systems. بمعنى تاني مش محتاج تكون خبير في التكنولوجيا عشان تتحكم (مثلاً) في قوة الإضاءة و ألوان الغرفة بضغطة! 

بعض تقنيات المنازل الذكية اللي شوفناها في 2020

  • أنظمة الإضاءة الذكية 

نظام الإضاءة الذكي بيقدر يساعدك تتحكم في اضاءة البيت كله من خلال وحدة التحكم زي موبايلك مثلاً، تقدر تشغلة و تظبط الوقت و هيطفي تلقائي من خلال المدة اللي تحددها له، و كمان تقدر تتحكم في نسبة الضوء و اللون. و تكلفة ال Light system متعتبرش غالية علي الأطلاق.

  • الأجهزة الذكية

كلنا بنعتبر الثلاجة أهم جهاز موجود في البيت ! الثلاجة الذكية تقدر تعمل أكتر بكتير من مجرد تبريد و الحفاظ على الأكل. ممكن تقولك مواصفات الاكلة اللي بتطبخها. ممكن تحدد لها الكميات اللي بتحتاجها خلال استهلاكك، و لما بيكون في نقص بيوصلك notification  أو إشعار انك محتاج تتسوق. بتنبهك لما الفلاتر تكون محتاجة تنضيف،أو لما بيكون فيه أكل فاسد/ منتهي الصلاحية.

في المستقبل نتوقع تغيير تجربة المشاهدة على  التلفاز لمستوى تاني. ممكن مايكونش فيه  حاجة للجهاز من الأساس، ممكن ببساطة الضغط على زر أو من خلال التكلم و هيظهر جهاز عرض من السقف -Projector- والمكان هيتحول لمنطقة مشاهدة تلفزيونية ضخمة بتتعرض على الحائط.

  • غرف النوم الذكية

غرف النوم الذكية مش بس بتساعدك في التحكم في الإضاءة والستائر عن بعد لراحتك .ده كمان ظهر بعض الأجهزة بتتابع دورات نومك و تحددلك الوقت الأفضل لإيقاظك من النوم (بناءً على "عمق" نومك). وممكن تساعدك تطبيقات مراقبة النوم على تحسين صحتك و مزاجك مع تنظيم نومك!

شاركنا رأيك في التعليق و تفتكر امتي الأجهزة الذكية هتبدأ تكون موجودة في بيوتنا مستقبلا؟

 مع العلم، أن التكلفة بتقل نتيجة للتطور المستمر في التكنولوجيا و زيادة المنافسين.  

 

لمعلومات بتفاصيل أكثر عن الأجهزة و المنازل الذكية:

 https://readwrite.com/2020/04/27/smart-homes-in-2020-a-home-transformation-guide/htt

https://www.nextgyn.com/smart-home-technology-trends-2020/   

 

.
  • علامات :
  • المنزل الذكي
  • 2020
  • تكنولوجيا المنزل الذكي
  • ترندات المنزل الذكي
  • كورونا
  • خليك في البيت
  • عقارات
  • احدث تريندات المنزل الذكي