تفاصيل المدونة

مزايا الأستثمار في الأراضي

  • بواسطة : Manar Fathy
  • 2019/08/07

 

ايه مزايا الإستثمار في الأراضيwink ؟ 

لو عايز تستثمر فلوسك بس لسه محتار و خايف تخاطر،جمعنا لك شوية مزايا عن الإستثمار في الأراضي ممكن يساعدوك...

 

مش محتاج تكون خبير عقاري.

فكرة شراء أرض للإستثمار و الإستفادة من ربحها لا تتطلب خبير عقاري ،لأنها مش عملية معقدة.. و ممكن تعتبره مصدر دخل إضافي بجانب الوظيفة الأساسية! كل اللي عليك إنك تسأل كويس عن المكان اللي هتشتري فيه وتكون محيط بجميع المزايا و العيوب. ويكون عندك أفكار عن طرق الإستفادة من الأرض لتحقيق أكبر نسبة ربح، سواء حولت الأرض لتصبح أرض سكنية ، زراعية أو صناعية.

 

أقل خطورة

يعتبر الإستثمار في العقارات عموماً أقل أنواع الإستثمار خطورة و من أكثرهم ربحا كذلك ولسه هنتكلم عن الربح بالتفصيل:) وده لأن الطلب دائما موجود علي الأراضي بكل أنواعها سواء سكانية أو صناعية و تجارية.الطلب دائماً في تزايد بسبب الكتلة السكانية اللي بتزيد كل يوم عن التاني، و جميع الخبراء اتفقوا إن مفيش حاجة إسمها فشل في الإستثمار العقاري عموماً ! ومع زيادة الطلب، القاعدة اللي كلنا عارفنها ، السعر بيزيد تلقائياً، هتلاقي في وقت قصير جداً رأس المال الأساسي قيمته زادت.

الربح

 الربح واحد من أهم الأسباب اللي الناس بتفضل الإستثمار في الأراضي عشانها.. ممكن كمان تحقق أضعاف الربح لو حصل تحسينات علي الأرض ،  التحسينات علي الأرض بتعلي من القيمة جدا عن البيع مباشرة بعد الشراء ، لو في منطقة سكنية ممكن تزود عدد الطوابق إلى الحد المسموح به ولو زراعية ممكن تعمل تحسينات على التربة و هكذا .. 

ممكن الربح يكون أزيد من طرق الإستثمار الأخرى و المشاريع التجارية!

 

سهولة إسترداد المال

لو احتجت الفلوس بسرعة و احتجت تبيع في فترة قصيرة هيكون سهل إنك تبيع بسبب الطلب المستمر. الميزة إن فلوسك هتكون دايما في إيدك بمعني إن حتى لو سعر الأرض ملحقش يزيد، عمر ما قيمة الأرض هاتقل، هاتبيعه على الأقل بنفس السعر. 

 

الحماية من التضخم

نتيجة الظروف الأقتصادية ، قيمة الفلوس بتقل تدريجياً، بمعني إن لو كنت بتشتري ب100 جينه حاجات معينة، ال100  هاتجبلك كمية أقل. إستثمار الفلوس في الأراضي أو في سوق العقارات ، هتحافظ علي قيمة الفلوس مع زيادة إرتفاع الأسعار، قيمة الأرض بتعلى .

 

لو عندك أرض للبيع أو الإيجار و عايز تبيعها تابعنا و هنقولك على الخطوات عشان عملية البيع تمشي بسهولة.

.
  • علامات :
  • استثمر #أراضي #سوق_العقارات_فى_مصر #بيع_اراضي # اراضي_للبيع#