Blog Deatils

وسط البلد

  • By : Super Admin
  • 3/27/2019 12:00:00 AM

 

الحي ده هو اعرق احياء القاهره، بطراز معماري فرنسي، و انشئ بتكليف من الخيديوي اسماعيل في عام 1867 معتمدا علي المصمم الفرنسي هاوسمان مصمم و مخطط مدينه باريس. وسط البلد هي الحي السياسي الاول للقاهره، يوجود مقر مجلس الوزراء و مجلس النواب و عدد كبير من الوزرات بيشمل وزاره الخارجيه و وزاره التعاون الدولي و التموين و التجاره الداخليه، و مؤسسات مركزيه زي مبني مجمع التحرير، و هيئات دبلوماسيه زي مقر جامعه الدول العربيه و السفاره الامريكيه و البريطانيه و السويسريه، مع وجود مقر نقابات عريقه زي نقابه الاطباء و نقابه المهندسين و نقابه المحاميين و نقابه الصحفيين، و مؤسسات صحفيه زي مؤسسه الاهرام العريقه.
عراقه وسط البلد و مركزيتها بيخليها في احتياج لواسائل مواصلات متنوعه للتغلب علي حالات الازدحام، و بالفعل وسط البلد فيها اكبر تغطيه لوسائل المواصلات من خمس محطات مترو (السادات، محمد نجيب، محمد فريد، الشهداء، العتبه)، و محطات اتوبيسات عامه رئيسيتين (عبد المنعم رياض، العتبه، رمسيس)، بالرغم من ازدحام وسط البلد، لكن شبكه مرور الحي سامحه بانه يكون ازدحام منظم. وسط البلد هي حرفيا مركز المنتصف بالنسبه للقاهره و الجيزه، جنبها الزمالك و الدقي و العجوزه، و جنوبها كورنيش المعادي، و شماله الساحل و شبرا، و نفق الازهر بيربط وسط البلد بصلاح سالم و مدينه نصر، و كوبري اكتوبر بيمثل شريان وصول لابعد حي في الغرب(6 اكتوبر) و ابعد حي في الشرق (مدينه نصر و مصر الجديده)، مع وجود امتداد لوسط البلد ليها في حي الازهر التاريخي.
وسط البلد فيها اكبرعدد من التجمعات الاجنبيه في مصر، جنسيات مختلفه، لاغراض سياحه او اقامه، بيدي لوسط البلد رونق دولي بالمقارنه مع باقي احياء القاهره. بالرغم من هجرات عائلات وسط للبلد للخارج او لاحياء جديده زي التجمع الخامس، لكن سعر متر الشقه في وسط البلد ممكن يبتدي بخمسه الاف جنيه للمتر.
مع كل مميزات السكن في وسط البلد، لكن في اوقات الاعياد بتتحول المنطقه لمكان مزدحم جدا لتردد الاسر و الشباب علي المنطقه لاغراض الشراء و الترفيه، و بقي بينتج عن ده مظاهر مسيئه زي التحرش.
وسط البلد كحي عريق عندها الرياده فيما يتعلق بمستوي المدارس المتواجده في الحي، و اهمها "المدرسة الألمانية سان شارل بورومي، مدرسة العائلة المقدسة الفرنسيه، مدرسة الفرير الفرنسيه، مدرسة الفرنسيسكان الفرنسيه، مدرسه ليسيه الحريه، مدرسة كولاج دو لاسال الفرنسيه، مدرسه العائله المقدسه الفرنسيه، كليه رمسيس للبنات الامريكيه". لا يقتصر التعليم الاساسي في وسط البلد علي المدارس الاجنبيه فقط، فيه عدد كبير من المدارس الحكوميه زي "مدرسه جمال عبد الناصر، مدرسه احمد امين، مدرسه الاتحاد القومي، مدرسه الحلميه الجديده، مدرسه السلطان الغوري، مدرسه المعز لدين الله الفاطمي، مدرسه سوق السلاح، مدرسه حسن المسرات ".
امكانيات وسط البلد التعليميه مش مقتصره علي التعليم الاساسي بالعكس، وسط البلد بيوجد فيها حرم الجامعه الامريكيه "القديم" اللي بيقدم خدمات جامعيه من خلال كليه التعليم المستمر. وسط البلد في مركز المنتصف بين جامعه القاهره في الجيزه و جامعه عين شمس في العباسيه.
الطابع الثقافي العريق منعكس علي مجريات حياه وسط البلد، من اول امكان الخروج اللي اكيد هتتضمن النادي اليوناني او كافيه ريش العريق او جروبي شارع عدلي مع وجود عدد كبير من الفنادق التاريخيه اللي فاتحه ابوابها زي فندق اوديون بالاس وفندق وندسور.
وسط البلد منطقه جاذبه للسياحه لانها في قلب معالم القاهره التاريخيه، و بيوجد فيها فيها المتحف المصري صاحب ال150 الف قطعه اثريه بتخليه واحد من اهم و اكبر المتحاف الاثريه في العالم و مزار سياحي عالمي في قلب وسط البلد بيجذب العديد من الوفود السياحيه من اسيا و اوروبا.
وسط البلد بتمتلك قدره علي توفير خدمات مميزه للسياحه القادمه من خلال امتلاك عدد ضخم من الفنادق الهامه زي "فندق هليتون رمسيس، فندق انتركونتيننتال سميراميس، فندق فورسيزونز نايل بلازا، فندق كمبنسكي، فندق كونراد، فندق النيل ريتز كارلتون، فندق شتيجنبرجر التحرير.
وسط البلد بتمتلك المركز الاكبر لرواد الاعمال في مبني الفلكي (الجامعه الامريكيه)، مع وجود مهرجان فني خاص بوسط البلد (مهرجان دي-كاف)، مع العديد من المعالم الثقافيه الاخري زي تاون هاوس جاليري و مسرح روابط و مسرح السلام و مسرح الهوسابير، و تواجد كبير من السينمات زي "هيلتون رمسيس، مترو، ميامي، داون تاون، دنيا كريم، كوزموس، أوديون، ليدو، كايرو بالاس، ديانا، بيجال".
نظرا لقدم عمر وسط البلد، فأغلب المستشفيات المتواجده في وسط البلد هي مستشفيات جامعيه تابعه لوزاره الصحه زي "مستشفي القصر العيني، مستشفي القصر العيني الفرنساوي، الجلاء التعليمي"، او " مستشفى صيدناوي، مستشفى الهلال الأحمر، المستشفي القبطي، مستشفى الأمل".
تابعنا دايماً على Barek - بارك واختار عقارك الصح

.
Comments (0)

Post your comment