اية مزايا الأستثمار في الأراضي ؟ 

لو عايز تستثمر فلوسك بس لسه محتار و خايف تخاطر،جمعنالك شوية مزايا عن الأستثمار في الأراضي ممكن يساعدوك...

مش محتاج تكون خبير عقاري.

فكرة شراء أرض للأستثمار و الأستفادة من ربحها لا تتطلب خبير عقاري ،لأنها مش عملية معقدة.. و ممكن تعتبرة مصدر دخل أضافي جنب الوظيفة الأساسية! كل اللي عليك أنك تسأل كويس عن المكان اللي هتشتري فيه وتكون محيط بجميع المزايا و العيوب. ويكون عندك أفكار عن طرق الأستفادة من الأرض لتحقيق أكبر نسبة ربح، سواء حولت الأرض لتصبح أرض سكنية ، زراعية أو صناعية.

أقل خطورة

يعتبر الأستثمار في العقارات عموما أقل أنواع الاستثمار خطورة و من أكثرهم ربحا كذلك ولسه هنتكلم عن الربح بالتفصيل:) وده لأن الطلب دائما موجود علي الأراضي بكل أنواعها سواء سكانية أو صناعية و تجارية.الطلب دائما في تزايد بسبب الكتلة السكانية اللي عاملة بتزيد كل يوم عن التاني، و جميع الخبراء اتفقوا أن مفيش حاجة أسمها فشل في الأستثمار العقاري عموما ! ومع زيادة الطلب، القاعدة اللي كلنا عارفنها ، السعر بيزيد تلقائيا، فا هتلاقي في وقت صغير جدا راس المال الأساسي قيمته زادت.

الربح

 الربح واحد من أهم الأسباب اللي الناس بتفضل الأستثمار في الأراضي عشانها.. ممكن كمان تحقق أضعاف الربح لو حصل تحسينات علي الأرض ،  التحسينات علي الأرض بتعلي من القيمة جدا عن البيع مباشرة بعد الشراء ، لو في منطقة سكنية ممكن تزود عدد الطوابق الي الحد المسموح بيه ولو زراعية فاتعمل تحسينات علي التربة و هكذا .. 

ممكن الربح يكون أزيد من طرق الأستثمار الأخري و المشاريع التجارية!

سهولة استرداد المال

لو احتجت الفلوس بسرعة و احتجت تبيع في فترة قصيرة هيكون سهل أنك تبيع بسبب الطلب المستمر. الميزة أن فلوسك هتكون دايما في أيدك بمعني أن حتي لو سعر الأرض ملحقش يزيد، عمر ما قيمة الأرض هاتقل، هاتبيعة علي الأقل بنفس السعر. 

الحماية من التضخم

نتيجة الظروف الأقتصادية ، قيمة الفلوس بتقل تدريجيا، بمعني أن لو كنت بتشتري ب100 جينة حاجات معينة، ال100  هاتجبلك كمية أقل. أستثمار الفلوس في أراضي أو في سوق العقارات ، هتحافظ علي قيمة الفلوس مع زيادة أرتفاع الأسعار، قيمة الأرض بتعلي .

لو عندك أرض للبيع أو الأيجار و عايز تبيعها تابعنا و هانقولك علي الخطوات عشان عملية البيع تمشي بسهولة.

أهم الحاجات اللي لازم تاخد بالك منها قبل ما تشتري بيتك الجديد !

أنك تاخد قرار بخصوص بيت جديد يعتبر من أكتر القرارات المصيرية اللي هاتخدها في حياتك، عشان تعرف تاخد قرارك بشكل أسهل جمعنالك شوية معلومات كده هايفيدوك .

لو عايز تتطمن من السعر قبل شراء عقاراك

خليك في الأمان .. واستشير خبير :)

قبل ما تشتري عقارك الجديد لازم تستشير خبير في مجال العقارات ، حتي لو السعر مناسب بالنسبالك، سعر العقار بيعتمد علي عوامل كتير ، زي الاطلاله مثلا، في جراج لعربيتك ولا لأ، الصيانه وغيره كتير. يمكن متخدش بالك من كل التفاصيل ديه أثناء الشراء ، بس الحاجات ديه بتفرق جدا في راحتك علي المدي البعيد. استشاره خبير هتساعدك تاخد بالك من كل التفاصيل، خصوصا لو أول مرة.

خد بالك بخطوات بسيطه عشان حقك ميضعش .

للأسف في حلات كتير جدا بيتنصب عليها وحقها وشقي العمر زي مابنقول بيروح عليها. لو بتشتري من شخص حتي لو مش أول مرة.. أبسط حاجتين ممكن تعملهم انك تراجع الاوراق في الشهر العقاري و تتأكد ، هل المبني ده ليه هيكل قانوني ولا لأ؟ .. حاجه كمان، ارجع لادارة الحى، وأتأكد ان المبني مترخص، وأن مصرح له ببناء عدد الطوابق الموجودة. 

تأكد من عدم وجود أي فواتير علي العقار، وان جميع الديون متسدده بالكامل. لو فيه بند في العقد مبهم، أو لو مش عارف تتأكد من صحه الاوراق استشير محامي ، منعا لأي مشاكل مستقبلا.  

ازاي أتأكد أن أنا هاختار صح؟